Fundaziun

Davart la fundaziun

Il Christian-Schmid-Fonds ha tenor il document da fundaziun en mira da pussibilitar ina scolaziun adattada a giuvnas Grischunas ed a giuvens Grischuns motivads e cun confessiun evangelica.

  • La fundaziun metta a disposiziun a stipendiatas e stipendiats meds finanzials che permettan ina scolaziun en instituziuns correspundentas renconuschidas. 

  • Stipendis da la fundaziun vegnan dabun a scolaras e scolars, ad emprendistas ed emprendists so er a studentas e students che vivan en il chantun Grischun ed han qua il dretg da burgais. 

  • La fundaziun dat a persunas che abitan a Cuira (cidad) ed han il dretg da burgais en il chantun Grischun exclusivamain stipendis per scolaziuns terziaras u per scolaziuns sin la segunda via da furmaziun. 

Il fundatur

Il fundatur Christian Schmid è stà in interprendider grischun cun success. El ha manà in affar da textilias prosperant a Milaun cun lieus da fabricaziun a Cavenago ed a Cassolo. L’interpresa produciva textilias preziusas da gronda qualitad, tranter auter per clients prominents sco la Chas’alva a Washington, la Chasa roiala britannica e la Swissair. 

Christian Schmid è naschì ils 6 da zercladur 1886 a Spleia. El era burgais da Spleia e Malans e vischin d’onur da San Murezzan ed è adina restà collià cun sia patria. Tenor la voluntad dal fundatur vegn il success da sia activitad economica oz dabun en furma da contribuziuns da scolaziun a giuvnas Grischunas ed a giuvens Grischuns cun domicil en il Grischun e cun confessiun evangelica.

Organisaziun

Cussegl da fundaziun:
President: Martin Schmid
Commembers: Anita Devonas, Bruno W. Claus

Post da revisiun:
Curia AG, Cuira

Surveglianza:
Surveglianza da la fundaziun, Administraziun da finanzas dal chantun Grischun